Gerîlaya YJA Starî Nûda Zagrosa ke vera hêrişanê dewleta tirke Hemleya Şorişgêre ya Cengê Xabûrî de ca gena xoverdayîşê gerîlayan o ke dewam keno ercna.

Zagrose ard ziwan ke gerîlayê azadîye semedê pawitişê ercanê şarê kurdî şer kenê û vat: ''Verê destpêkerdişê hêrişê îşxalî ma hazirîya xo kerdebî. Heme hemrayê ma yê ke warê şerî de yê bi moral û hêzê pîlî vera îşxalê dewleta tirke şer kenê. Hemleya Cengê Xabûrî û bitaybetî xoverdayîşê hemrayanê ma yê Zendûra heyacano pîl aferneno.

Artêşa tirke bi giranî hêrişê Metîna û Zagrosî kena la pê xoverdayîşê gerîlayan nêeşkenê birese waştişanê xo. Çunke gerîla bi ruhê zemanî ciwayeno. Hetê kamuflaj, metodanê şerî û sarisnayîşê erazî ra avantajê gerîlayî esto. Gerîlayî şerê tunelan, şerê ser û binê erdî de zî metodanê zengînan şuxulnenê.

Dewleta tirke pê operasyonanê îşxalî nêeşkena ma ziwan, kultur û nasnameyê ma ra raqilnê. Gerîlayî pê ruhê zemanî û felsefeya Rayberîye têgêrenê. Coka îşxalkerî nêeşkenê nê waran de rehet biciwîyê.  Ma do pê hemleyanê Cengê Xabûrî û Bazanê Zagrosî dişmenî bin bifînê. Serkewtiş do şarê kurdî bo.''