Zeynebe Celalîyan: Ez venga şima danê ke tewrê kampanyaya azadîye ya Abdullah Ocalanî bibê û bi nê hawayî erkê xo yê merdimatîye bikerê. Azadîya ey azadîya pêro cinîyan ê têkoşeran û azadîya ma ya pêroyînan a.
Zeynebe Celalîyana ke Rojhelatê Kurdîstanî ra ya û 2011 ra nata zîndan de ya, mektubêke şawite.
Zeynebe Celalîyan mektuba xo de pare kerd ke a hêze xo yê xoverdayîşî paradîgmaya Rayber Apoyî ra gêna û vat: ''Tewrbîyayîşê kampanyaya seba azadîya Abdullah Ocalanî erkê min o exlaqî yo. Birêz Abdullah Ocalanî vera dewleta tirke sere wedarit û hêvîye daye kurdan. Fikrê ey pêro dinya zî roşnî kenê. La o 26 serrî yo binê tecrîdî de yo.
Ez 17 serrî yo zîndan de vera zulmî xo ver danê. Wexto ke ma tecrîdê vera Birêz Ocalanî bişiknê zulmê pêro zîndanan zî do bişiknê. Ewro cinîyî coka bi şîarê 'Jin, Jiyan, Azadî' esasê felsefeya Rayber Apoyî dr qîrenê. Ez wazena ke sere de roşnvîr, akademîsyenî, hunermend, femînîst, dezgeh û rêxistinî, cinî, ciwan û pêro kurdî paştî bidê kampanyaya seba azadîya Rayber Apoyî. Ez venga şima danê ke tewrê kampanyaya azadîye ya Abdullah Ocalanî bibê û bi nê hawayî erkê xo yê merdimatîye bikerê. Azadîya ey azadîya pêro cinîyan ê têkoşeran û azadîya ma ya pêroyînan a.''
