Gerîlaya PKKyî Zîlane (Zeynepe Kinaci) serrgera 25. ya şehadetê xo de Şingal de pê semînerêkî ameye yadkerdene. Semîner dewa Dugirî de hetê Têgêrayîşê Azadîya Cinîyan ê Êzidîyan (TAJÊ) ra ame serûberkerdene.

Hemsereka Meclîsê Xoserîya Demokratîke ya Şingalî Rihame Hico û xeylêk cinîyî tewrê semînerî bîyî. Semîner de qala têkoşîn û kesayetê Zîlane ameye kerdene.

Rihame Hico pare kerd de Zîlane vera zorbazîya sîstemî werişte ra û cinîyê êzidîyî heya peynî têkoşîn û dewaya aye pey bibê. Endama Koordînasyonê TAJÊ Dayê Xoxê Cindî zî îfade kerd ke ê deyndarê şehîdan ê. Beşdara semînere Zozane Yûsiv vat: ''Ganî ma bibê Zîlane, wayîrê alaya xo vejîyê û welatê xo bixelisnê.''

Semîner de derheqê Zîlane de sînevîzyonêk ame mojnayene.