Rewşa tepişteya nêweşe ya Zîndanê Bakirkoyî Fatma Tokat her ki şino bena xirabêr. Tokmake janî ra semed serrêke ra nata nêeşkena şora nêweşxane. Fatma Tokmak pêvînayîşê ma de da zanayene ke seba ke qelbê ci nêeşkeno gonîye pompa bikero bedenê ci beno mor. Tokmake pare kerd ke tim nefesê ci beno teng, qelbê ci bi hawayêkê şîdetînî gup gup beno coka nêeşkena şora warê hewagirewtişî. Tokmake rixmê raporê 'nêeşkena zîndan de bimana' zîndan de tepişîyena.

Tokmake îfade kerd ke prosesê janî de nêweşxaneyî zaf bitehluke yê û eşkera ked ke tepişşte Hîyeme Yolcu sewqê nêweşxaneyî ra dima pê vîrusê Korona kewte. Tokmake vat: ''Sewqê nêweşxaneyan zaf birîsk ê. 4 rojî verî embaza ma Dîleke Oz wexto ke voleybol kay kerdêne linga xo şikite la nêwaşt şora nêweşxane. Koxûş de ma linga ci pişt te.''

Tokmake ard ziwan ke janî reyde têgêrayîşê kefî û tedaya îdareyê zîndanî zî zêdîyayî û 2 hewteyî verî gardîyanan eşt koxûşê înan ser, hacetê tepişteyan serûbin kerdî. Tokmake pê hesna ke rojnameyê 'Yaşam' kitabê kurdkî nêdîyenê tepişteyan. 

Tokmake bale ante ser ke grevê vêşanîye yê vera tecrîdê Îmraliyî û binpaykerdişanê heqanê tepişteyan dewam keno û venga her kesî da ke bi hawayêkê hîsgerî nêzdîyê babete bibo.