Tepişteya Zîndanê Bakirkoyî Esma Başkale keyeyê xo reyde bi telefonî qisey kerd û qala binpaykerdişê heqan kerd.

Waka Esma Meleke Başkale da zanayene ke waya înan vat ke gardîyanî tim bi bahaneya 'cigêrayîşî' erzenê koxûşanê înan ser û tewr tay 15 gardîyanî tepişteyan rê gefî wendî. Meleke Başkale vat: ''Gardîyanan tepişteyî pê kiştişî tehdît kerdê, mudaxeleyê fîzîkî kerdê û kitabê tepişteyan dirnayê.''

Meleke Başkale îfade kerd ke Newroze ra verî qestî ra nê çîyî yenê kerdene û vat: ''Tepişteyan zî vera ney xo pawito û vato ê do nê kerdişan qebul mekerê. Tepişteyan rê cade tehqîqatî abenê û cezaya dîsîplînî dîyena. Rixmo ke tepişteyan îdareyî rê gerre kerdo hema zî heman teda vînenê.''

Meleke Baaşkale venga rayaumûmîye da ke derheqê babete de hîsger biba.