Ame parekerdene ke zîndanêkê Eyaletê Indiana yê Amerîka de tewr tay 28 cinîyî raştê tecawuzî ameyî. Derheqê tecwuzî de vera hêrişkeran, şerîfê herême û gardîyanêkî pêhesnayeîşê sûcî ame kerdene.

Şerîfa cinîye ya Eyaletê Clark Noelî û gardîyano verên David Lowe sey sûcdaranê verênan ameyî mojnayene.

Şewa 24ê teşrîna verêne ya 2021î de hêrişê cînsîyî ameyî kerdene. Tewr tay 28 cinîyan bi hawayêkê komkîyî pêhesnayîşê sûcî kerd. Cinîyan pare kerd ke gardîyanî mefteyê beşê cinîyan bi hezarêk dolarî rotêne tepişteyêkê camêrdî.

25ê temmuze de şahîdêko bîn zî tewrê na çalakîya kolektîge ya cinîyan bi û mehkeme de îfade da. Şahîdo ke nameyê ci nêzanîyeno vat ke şîdet şewe ra heta serê sibayî dewam kerd. Şahîdî eşkera kerd ke a şewe wezîfedarêk zî zîndan de nêbi.

Avûkata mexdûran îfade kerd ke tecawuzî ra dima cinîyêka digane dergûşê xo vînî kerdo.

Cinîya pê hesna ke na travma ra dima zî ceyranê înan qasê 72 saetan sey ceza akerde ame verdayene.

Goreyê medyaya RMC û BFMTVyî avûkatê mexdûran pare kerd ke ê hêvî kenê ke dîmenê serê serebûtî bivisnê destî.