3 bajaran de tecrîd ame şermezarkerdene
Bajarê Înnsbrûckî yê Awusturyayî, bajaranê Hambûrg û Leverkûsenî yê Almanya de semedê baleantişê rewşa weşîya hemsereka KCD'yî Leyla Guvene çalakîyî ameyî viraştene.
Bajarê Înnsbrûckî yê Awusturyayî, bajaranê Hambûrg û Leverkûsenî yê Almanya de semedê baleantişê rewşa weşîya hemsereka KCD'yî Leyla Guvene çalakîyî ameyî viraştene.
Bajarê Înnsbrûckî yê eyaleta Tîrolî yê Awusturya de, Kurdistanijan seba ke bale biance grevê vêşanîye çalakîya xeymî ameye viraştene. Çalakî hetê Merkezê Cimate Demokratîkî yê Kurdî (NCDK) ra ame organîzekerdene. Çalakîye de resimê xoverdayoxanê grevê vêşanîye ameyî akerdene û peyama “Waştişê xoverdayoxanê grevê vêşanîye waştişê ma yê“ ameye dayene.
Bajarê Hambûrgî yê Almanya de zî bi heman waştişî çalakîyêk ameye viraştene. Şar îstasyona trene ya merkezî de bi kom û çalakîya bêîteatîya sivîle viraşte.
Bajarê Leverkûsenî yê Almanya de, bi rayberîya Meclîsê Cinîyan ê Nûcane de rayraşîyayîş ame kerdene. Rayraşîyayoxan tîşortê ke resimê Leyla Guvene pira ra yê dayî xo ro û heta Leverkûsen Mîtteyî ray ra şîyî. Rayraşîyayîşî de derheqê waştişanê Leyla Guvene û çalakwananê grevê vêşanîye de vilawekî ameyî wendene. Çalakîye bi mîtîngêk qedîyaye.