3 welatan de Komployo Mîyanneteweyî ame protestokerdene

Serrgêra Komployê Mîyanneteweyî ya vera Rayberê Şarê Kurdî Abdullah Ocalanî de komplo ame protesto kerdene. Kanada, Awustralya û Rûsya de ame vîrvistene ke komplo ame pûçkerdene.

Toronto

Şaristanê Toronto yê Kanada de endamê Meclîsê Şarê Kurdî 6 saetan rayîrî ra şîyî. Bi seyan kesî beşdarê çalakîye bîyî. Polîsan destûr nêda ke çalakîkerî rayîrî pabidê şorê û wesayîtê sînevîzyonî zî asteng kerd. Çalakîye meydanê Dundasî de bi eşkerayîyêka çapemenîye qedîyaye. 

Sydney

Şaristanê Sydneyî yê Awustralya de kurdîstanijî verê NCDKyî de ameyî pêser û înan satendêk akerde û derheqê komployî de vilawekî vila kerdî.

Şan zî verê bînaya NCDKyî de sînevîzyonêk ame mojnayene.

Saratov

Şaristanê Krasnokutî yê herêma Saratovî yê Rûsya de zî kurdan komployo mîyanneteweyî şermezar kerd.

Rîxmê hewayê serdî beşdarê rayraşîyayîşî heta merkezê şaristanî rayîrî ra şîyî.

Tambov

Şaristanê Miçurinskî yê herêma Tambovî yê Rûsya de kurdî salona kombîyayîşî ya Mîlaremî de ameyî pêser û Komployo Mîyanneteweyî protesto kerd.

Kombîyayîş de endama TJKNyî Fatma Arîn qisey kerd û vat ke no komplo şexsê Ocalanî de vera pêro cinîyan ame kerdene.