Gerîlayê HPGyî Firat Çîçek (Baran Kaya) yo ke 4ê çeleyê 2019î de Herêmanê Pawitişî yê Medya de hêrişê hewayî yê artêşa tirke ya îşxalkere de şehîd bibi hetê çalakîkeranê Rayraşîyayîşê Dergî ra Darmstadt de ame yadkerdene.

Çalakîya yadkerdişî de posterê Rayberê Şarê Kurdî Abdullah Ocalanî û fotografê şehîdan ameyî berzkerdene.

Çalakîya yadkerdişî de nameyê Komîsyona Keyeyanê Şehîdan a Darmstadtî û Têgêrayîşê Cinîyan ê Ciwanan qiseykerdiş ame kerdene.

Nameyê  Têgêrayîşê Cinîyan ê Ciwanan ser o Amargî Şengal qsiey kerd û vat: ''Şehîd Çîçek seba cuyêka azade û rûmetêne şehîd bi. Ganî pêro ciwanî nê xoverdayîşî rast nas bikerê.''

Nameyê Komîsyona Keyeyanê Şehîdan ser o zî qiseykerdiş ame vatene ke Ocalan bi xoverdayîşê xo komplo pûç kerd.

Qiseykerdişan ra dima derheqê Firat Çîçekî de sînevîzyonêk ame mojnayene.