Çalakîyê protestokerdişê tecrîdî û paştîdayîşê grevê vêşanîye yê ke rayberîya Leyla Guvene de ameyî desptpêkerdene dewam kenî.

Bajarê Grazî yê Awusturya de Kurdistanijan û dostanê înan çalakîyêk viraşte û paştî daye grevanê vêşanîye.  Çelakî de derheqê tecrîd û xoverdayîşê grevanê vêşanîye de xeylî vilawekî ameyî vilakerdene. Xoverdayoxanê Strasbourgî ra Nurgul Başarane  zî bi telefon tewrê çalakîye bîye û mesajê xurtkerdişê mucadeleyî da.

Bajarê Montpellîerî yê Fransa de zî bi çalakîyêk tecrîd ame şermezarkerdene û xoverdayîşê grevê vêşanîye ame silamkerdene. Çalakî de ame vatene ke waştişê grevê vêşanîye waştişê înan o û bêvengîya Ewropa ameye şermezarkerdene.

Bajarê Lorîentî yê Fransa de zî tecrîd û komploya mîyanneteweyîye bi çalakîyêk ameye şermezarkerdene. Qiseykerdişan de ame vatene ke heta wedartişê tecrîdî do çalakîyî dewam bikerî.

Bajarê Den Haagî yê Hollanda de zî semedê protestokerdişê komploya mîyanneteweyîye rayraşîyayîşêk ame organîzekerdene. Çalakîya ke vernîya parlamentoyê  Hollanda de ameye viraştene, Hollandayijan zî paştî daye ci.