Vizêrî xeylî bajaranê Almanya de semedê protestokerdişê tecrîdî û silamkerdişê girevanê vêşanîye  çalakîyî ameyî viraştene.

DARMSTADT

Aktîvîstanê Tevgera Cinîyan ê Ciwanan a Azade vizêrî bajarê Almanya Darmstadt de yew çalakîye organîze kerde. Cinîyan bi ziwanê Almankî pankarta ke ser o ‘Ma do xoverdayîşê Leyla Guvene hîna bikerê pêt‘ nusyaye bîye girewte û heta îstasyonê Trene yê merkezî bi rayîrşîyayîşêkê bêvengî şîyî.

BERLÎN

Paytextê Almanya Berlîn de zî bi şîarê ‘wext nêmendo, rawirzîme payan ser‘ yew mîtîng ame organîzekerdene. Çalakwanan Aleksander Platze’yî de veng fîst ra merdimahîye û va ganî her kes rawirzo payan ser.

Mîtîng de Kurdî, Alman û Tirkê enternasyonalî ameyî têhet.

Mîtîng de bêvengîya vera grevanê vêşanîye ameye rexnekerdene û bale ancîyaye ser ke Leyla Guvene 3 mengan ra zêdeyêr o ke grevê vêşanîye de ya.

Mîtîng de sloganê sey “Faşîst Erdogan“, “îşxalkerî  Kurdîstan ra def bê“, “Biciwîyo xoverdayîşê Leyla Guvene“ ameyî eştene.

Berlîn de yew çalakîye ya bîne zî hetê cinîyan ra ameye viraştene. Çalakîye hetê Cinîyê Wendekarî yê Ciwanî û Cinîyê Ciwanî yê Azadî ra ame organîzekerdene.