Bi wesîleya serrgêra 21. ya  Komployê Mîyanneteweyî yo ke 15ê sibata 1999î de ame kerdene de çar leteyanê Kurdîstanî ra kurdî Cenevre de bi çarçeweya yewîya neteweyîye de ameyî têhet û rayraşîyayîşo derg da destpêkerdene. Roşnvîrî, hunermendî, sîyasetmedarî û temsîlkarê dezgehan ra tewr tay se kesî çalakîye de ca gênê.

Rayraşîyayîşo derg roja verêne de verê Ofîsê Neteweyê Yewbîyayeyî (NY) yê Ofîsê Cenevre de bi mîtîngêk qedîya. Çalakwana pîya bi waştişê 'Ocalanî rê Azadîye, Kurdîstanî rê Statu' yî mesajê yewîya neteweyîye û pûçvetişê komployî dayî.

Akdemîsyene Gulaye Kiliçaslan a  ke mîtîng de qisey kerd  komplo şermezar kerd û vat semedê haştîye şaranê Tirkîya û Rojhelatê Mîyanênî felsefe û azadîya Ocalanî rê hewce keno.

Qiseykerdişanê bi nameyê çalakwanan de veng dîya Neteweyê Yewbîyayeyî (NY), Komîteya Vernîgirewtişê Îşkenceyî (CPT) ke wa vera tecrîdê serê Ocalanî tê bigêrê.

Çalakwanê  ke Cenevre ra ver bi  Strasbourgî şinê, siba do Lozan de, 12ê sibate Bern de û 13ê sibate Basel de rayra şirê û 14ê sibate de bi otobusan verê xo bidê Strasbourgî.