Êlih de vera derbeya qeyûmî bi rojan o şar kuçeyan de yo. Ewro zî serê sibayî ra çalakîyî dewam kenê. Şaro ke Parka Yilmaz Guneyî ra ver bi Hîrgoşê Çapemenîye rayra şi tîya bi deyîran govende girewte.

Bado ke şarî deyîrî vatî polîsan bi gazê îsotî û awa tazîkîn hêrişê şarî kerd. Şarî bi slogananê sey ''Ma do bi xoverdayîşî ser bikewê'', “Jin jiyan azadi”, “Berxwedana Jiyane”, “Bê Serok Jiyan Nabe”, “Erdogan tû kurbana Ocalan” cewab da.

Badê hêrişî şar ver bi Çarçatî bi slogana“Jin, jiyan, azadî”  rayra şi. Polîsan bi gazê îsotî û awa tazîkîn hêrişê şarî kerd. Şarî bi sloanan cewab da. Şar rixmê hêrişî vila nêbi û polîsan reyna hêriş kerd. Cayanê karî yê dormeyî hêrişê polîsan ra zirar dî.

Esnafan zî vera polîsan hêrsê xo ard ziwan. Wekîla Sêrtî Sebahate Seritaş vera polîsan nê razîbîyayîş mojna û vat, ''Merdimî şima ra eciz bîyî. Şima zirarê pîlî danê nê şarî.'' Hêrişan de cinîyêke lingê xo ra bi mermîyê plastîkî birîndar bîyî.

Xoverdayîşê şarî çarçatî de dewam keno, çalakîyî taxan ra zî vila bîyî.