Şaristanê Bielefeldî yê Almanya de êzidîyan û dezgehê êzidîyan hêrişê artêşa Iraqî yê vera Şingalî bi çalakîyêka rayraşîyayîşî şermezar kerd.

Rayraşîyayîş serkêşîya Meclîsê Şarî yê Bielefeldî û dezgehanê êzidîyan ê Ewropa de ame kerdene. Rayraşîyayîş de alayê Rayberê Şarê Kurdî Abdullah Ocalanî, YBŞ, TAJÊ û fotografê şehîan ameyî akerdene. Rayraşîyayîş de sloganê ''Biciwîyo xoverdayîşê Şingalî'' û ''Biciwîyo YBŞ'' ameyî vatene.

Çalakîye de Partîya Çepan a Almanya ra Dr. Onur Ocakî qisey kerd û bale ante xoverdayîşê Şingalî ser. Qiseykerdişan ra dima hukmatê Kazimîyî yê Iraqî ame şermezarkerdene.

Çalakîye pê slogan û çepikan qedîyaye.