Şaristanê Stuttgartî û Hamburî yê Almanya û şaristanê Marsilya yê Fransa de Merkezê Komelê Demokratîkî yê Kurdan de şehîdê Menga Gulane ameyî yadkerdene. 

Merasîmê Hamburgî de waya Mehmet Hayrî Durmuşî yo ke kadroyanê serkêşan ê PKKyî ra yo, Aytene Durmuş ard ziwan ke şehadetî yenê manaya ganîbyayîşê şarî kurdî û vat: ''Ma deyndarê şehîdanê xo yê ke bi huyayîşî ganê xo da.''

Merasîmê Stuttgartî de nameyê Dezgehê Keyeyanê Şehîdan ê Ewropa (KOMAW) ser o Lokman Arslanî qisey kerd. Arslanî ard ziwan ke şehadetê Hakî Karerî ra semed gulane sey Menga Şehîdan ameya îlankerdene. Arslanî îfade kerd ke xeyrê kedanê şehîdan ra ewro kurdî wayîrê erjanê pîlan ê.Merasîm de nameyê MLKPyî ser o zî qiseykerdiş ame kerdene û qiseykerdiş de venga pêro kesan dîya ke wa wayîrê Şorişê Rojawanî û xoverdayîşê gerîlayan vejîyo. Qiseykerdişan ra dima derheqê Şehîdanê Gulane de sînevîzyonêk ame mojnayene û hunermend Seyda Perînçek vejîya sehne ser.

Merasîmê Marsilya de zî qiseykerdoxan bale ante muhîmîya şehîdanê gulane ser û vat ê do wayîrê mîrasê şehîdan bivejîyê. Programê yadkerdişî bi slogananê "Şehîd Namirin", "Bijî Serok Apo" û "Bê Serok Jiyan Nabe" qedîya.