Şerwano enternasyonalîst Constantîn Kiel de ame yadkerdene. Keyeyê şerwanê enternasyonalîstî, Komeleya Kurdan, temsîlkarê Antî-Fa, Komelê Elewîyan, MLKP, Koma Cinîyan ê Femînîstan û keyeyê şerwana enternasyonalîste Îvana Hoffmana ke serra 2015î de wexto ke şerwana YPJyî bîye şehîd kewte tewrê yadkerdişî bîyî. 

Bernameyê yadkerdişî de babîyê Andok Cotkarî qisey kerd û seba Andokî vat, "Lajê mi tewrê YPG-YPJyî bi ke seba rûmetê merdimîye şer kene û xo seba merdimîye feda kerd. Ez pê ey sereberz a."

Dadîya ci zî vat: "Lajê mi domanîya xo ra merdimêko winasên bi ke parekerdiş ra hes kerdêne. Nîyetê ci tim baş bi. Meseleyê merdiman sey meseleyanê xo dîyêne û coka tewrê Şorişê Rojawanî bîyî."

Dadîya Îvana Hoffman zî vat: "Domanê ma nê rayîrî de şehîd bîyî labelê ê tim zerrîya ma de yê."

Mojnayîşê sînevîzyonî ra dima Hozan Comerd vejîya sehne ser. Qiseykerdişan ra dima eşkerayîyêka bi nameyê MLKPyî ameye wendene. Kombîyayîşê yadkerdişî bi wendişê şîîran û vatişê deyîran qedîya.