Vizêr şan Almanya de vera Cemxaneyê Marlî yo ke pabesteyê Federasyonê Yewîyanê Elewîyan ê Almanya yo hêrişê bi çekan ame kerdene ke nasnameyê hêrişkeran hema nêameyî eşkerakerdene.

Cemxaneyê Marlî vizêr şan medyaya komelkî ser o eşkerayîyêke daye û hêriş şermezar kerd. Eşkerayîye de wina ame vatene: ''Vizêr gule ame eştene penceraya cemxaneyî ke ma vizêr şan pê hesîyayî. Bitalîhî ya ke wextê hêrişî de ma ra ganêk zî cemxane de nêbi. Tehqîqatê dewlete ra dima ma do rayaumûmîye reyde zanayîşê hîrayî pare bikerê. Ma nê hêrişê gemarinî bi hawayêkê xurtî şermezar kenê.''