Kongreya 12ine ya PKKyî mabênê 5-7ê gulane de di waranê Herêmanê Pawitişî yê Medya de amebî kerdene. Fermandaranê Qerargehê Merkezê Pawitişê Şarî ra Amed Malazgîrtî kongre de qisey kerd.

Qiseykerdişê Amed Malazgîrtî wina bi:

‘’Wexto ke ez ciwan bîya herêma ma de zaf têgêrayîşê çepgîrî est bîyê la Apocîyî kêm bîyî. La wexto ke Apocîyan şer kerdêne ma hetkarîya nînan kerdêne. Gonîya ma bi nînan girîyayêne. Dima ke PKK kewt rojdem ez zî tewrê PKKyî bîya. Yanî ez tewrê Rayber Apoyî bîya. Mi 53 serrî temam kerdî mîyanê gerîlatîye de. Mi tim seba fedakarîye xo amade dî. Coka ez tewrê şerî bîya. 

Metodê Rayber Apoyî de binkewtiş çin o, nêmcetmendiş qet çin o. Tim serkewtiş est o. Pratîkê Rayber Apoyî xora werte de yo. Bi pîlbîyayîşê PKKyî şexsîyetê mi zî bi pîl. Qet yew dewlete yan zî hêz nêeşkayêne sey PKKyî vera îşxalê dewleta tirke şer bikero. Mîyanê PKKyî de qehremanîyê pîlî ameyî kerdene, PKKyî teslîmîyet red kerd. Têgêrayîşê ma mîyanê şerî de zî tim goreyê însanîyetî nêzdîyê dişmenî bi. Ma huqûqê şerî qetî binpay nêkerd. La dewleta tirke wexto ke ma adirbirnayîş îlan kerd zî bi kîmyewîyan hêriş kerd. 

Na raştîye barbarîya dewleta tirke ya. Ma dişmenî hendê Rayber apoyî nêşinasnenê. Ma bi Rayber Apoyî bawer kenê. Sey milîtanêkê PKKyî ez fedayîyê Rayber Apoyî ya. Eke Kurdîstanêk de Rayber Apo çin bo, Kurdîstan lazim nîyo. PKK xo fesh keno la têkoşînêko hîna pîl dest pêkeno. Wextê têkoşînêkê pîlêrî dest pêkeno û barê ma hîna giran beno.’’