Rayraşîyayîşo dergî yê enternasyonalîstan o ke emser reya 4. yeno kerdene û 120 enternasyonalîstî tewrê ci bîyî, Luksembourgî ra ver bi Strasbourgî dewam keno. Awustralya ra heta Kanada, Amerîkaya Latîne ra heta Ewropa zaf kesî tewrê rayraşîyayîşî bîyî.

Alex Wilson (44) şaristanê Toronyo yê Kanada ra akademîsyenêk o. Wilsonî xoverdayîşê Kobanê de nêzdîyê têkoşînê kurdan bi. Wilsonî vat: ''Kobanê firsend da ke ma kurdan û PKK nas bikerê. Çîyê ke kurdan kerî paştdayîş nêdî. Ez paştdayîşê kurdan seba xo wezîfeyêk vînena. Coka wazena biba beşêkê têkoşînê kurdan. Seba ke ez tewrê rayraşîyayîşî bîya zaf kêfweş a. ''

Ingrid Foster (34) şaristanê Gotebergî yê Swêdî ra tewrê rayraşîyayîşî bi. Xoverdayîşê Kobanê de zî kurdî nas kerdî. Foster reya 3. a ke tewrê rayraşîyayîşî beno. Fosterî vat: ''Ma înîsîyatîfêk awan kerd. Şeş serrî verê cû ma Swêd de Komîteya Paştdayîşî ya Rojawanî û Kurdîstanî awan kerd. Ê wextî ra nata ez mîyanê na komîteye de xebitîyena.''

Fosterî îfade kerd ke ê xîret kenê ke mabênê şarê kurdî û şarê Swêdî de torrêke biba û vat ke înan kitab û metînê Ocalanî yê konfederalîzmê demokratîkî çarnayî swêdkî.

Çime: Yenî Ozgur Polîtîka