Hemserekê Pêroyî yê DEM Partî Tuncer Bakirhani Kongreya Partîya xo ya 3. ya Îstanbulî de qisey kerd.

Bakirhanî nê vatî: ''Dinya, Rojhelatê Mîyanênî newera yena dizaynkerdene la yê ma hema polîtîkaya 100 serran a red û înkarî rayra benê. Qeyûmî yenê cekerdene û vera kurdan, cinîyan û muxalîfan hêrişî yenê kerdene. Hêrişê vera HDKyî 30 kesî ameyî tepiştene.  Ma pêro HDK yê.  Ma do mevinderê, ma do Tirkîya bikerê demokratîk.''

Tuncer Bakirhanî bale ante hêrişanê îşxalî yê vera Rojawanî ser û vat: ''Seba ke kurdî wayîrê statuyî mebê çîyo ke destê ci ra yeno kenê. Pîya bi çeteyanê SMOyî hêrişê Awbendê Tişrînî kenê, rejîmê Sûrîye reyde tekîlî nanê ro. Vinderê wa şarê Sûrîye qerar xo bi xo bidê.''

Hemserekê Pêroyî yê DEM Partî Tuncer Bakirhanî vist vîrî ke Tirkîya de proseso tarîxî yeno ciwîyayene, bale ante vengdayîşê tarîxî yê Rayber Apoyî ser ke do bêro kerdene û nê vatî:

''Birêz Ocalan  do Zîndanê Îraliyî ra vengdayîşê tarîxî bikero. Xerîtayêka rayîrî do bêro eşkerakerdene. Semedê ma no vengdayîşo tarîxî muhîm o. Ma sey DEM Partî roja verêne ra vanê ke ma peyê vatişanê Birêz Ocalanî de yê û paştî danê ci. Vengdayîşo ke tarîxî est o la tay nê ra keyfweş nîyê. Tayî vanê ke do kurdan bixapînê, kurdî senî xapîyenî?  No şaro ke 100 serrî yo yeno çînhesibnayene, heps û surgunkerdene, bi vêşanîye yeno terbîyekerdene  nêame xapînayene heta ewro ame. Şima meraq mekerê ma nêxapîyenê. Herinda qesawetkerdişî de paştî bidê nê prosesî.

Bi vengdayîşê Birêz Ocalanî na beka, lîmanê asayîşê înan do werta ra bêro wedaritene. Bi vengdayîşê Birêz Ocalanî hinî Tirkîya de do azadîye bêro qiseykerdene. Hetê her kesî do zelal bo.  Demokrasî û ekonomî do bikewê rayîr û meseleya kurdan bi rayîranê demokratîkan bêro çareserkerdene. Kamkê nê ra biremo do vîn bikero.''

Badê qiseykerdişan Arife Çinar û Çinar Altan sey hemserekan ameyî vîjnayene.