Merkezê Çapemeyîye yê QSDyî bîlançoya hêrişanê îşxalkeran ê 22ê sibate eşkera kerde.

Eşkerayîye de nê ameyî parekerdene: ''Roja şemeyî hêrişê artêşa tirke ya îşxalkere û çeteyanê ci yê Awbendê Tişrînî û Pirdê Qereqozaxî hetê hêzanê ma ra ameyî şiknayene.

Teyarayanê şerî yê dewleta tirke dormeyê Awbendê Tişrînî da bombayan ver. Bi hewayêkê hemwextî dewê dormeyê awbendî zî bi çekdanê giranan dîyayî bombayan ver. Çeteyan saetanê veraşanî de hêrişê mewzîyanê şervananê ma yê Qilê Syriatelî kerd. Hêzanê ma cewab da hêrşan û pêkewtiş qewimîya. Pêkewtiş de xeylê çeteyî ameyî kiştene û birîndar bîyî la hûmara înan zelal nêbîye.

Teyarayanê şerî yê dewleta tirke dewê Tina, Xeseq û Melha yê dormeyê Pirdê Qereqozaxî dayî bombayan ver. Dewê Tina, Cade, Bîr Hiso, Xeseq, Dikan, Melha, Sinaa û qilê Sêvê û Qereqozaxî zî bi desan reyî pê obusanê giranan, tanq, roket û topanê havanan ameyî pirodayene. Netîceya nê de malê sîvîlan de xesaro madî ame meydan.

Reyna binateyê hêzanê ma û çeteyan de nizdê Pirdê Qereqozaxî de pêkewtişî qewimîyayî. Pêkewtişan de xeylê çeteyî ameyî kiştene û birîndar bîyî la hûmara înan zelal nêbîye.

Cepheyê Dêr Hafirî de hêzanê ma nuqtayêka xo de droneyê kamikaze da war.

Kobanê û Eyn Îsa de gêrayîşê teyarayanê şerî droneyanê çekdaran ê dewleta tirke dewam kerd.''