Merdimê karî Savaş Buldan, Adnan Yildirim û Haci Karay ê ke 31 serrî verî ameybî qetilkerdene seba nînan Goristanê Avcilarî de merasîmê yadkerdişî ame kerdene. Hemserekê DEM Partî Tuncer Bakirhan û Endama Heyetê Îmraliyî Pervîne Buldan zî tewrê yadkerdişî bîyî.

Bakirhanî goristan de qisey kerd û bale ante ser ke sey zafê kurdan Buldan, Yildirim û Karay zî cînayetanê faîlanê meçhulan de ameyî qetilerdene. Bakirhanî vat: ‘’Nê merdimî seba ke kurd bîyê, wayîrê ziwan û kulturê kurdan vejîyayêne ameyî qetilkerdene. Faîlê nînan eşkera yo. Ma do tim têkoşîn bikerê û faîlan deşîfre bikerê. Heta ke nê faîlî nêrê cezakerdene haştîye do nêra û têkoşînê ma do dewam bikero.

Haştîye vizêrî de têrîameyîş o. Gamanê haştîye yê tewr girîngan ra yew zî wextê vîyarteyî de têrîameyîş o. Eke dewlete samîmî ya ganî hêverî kerdişanê xo de têrî biba.’’