Rayraşîyayîşê dergî yê vera Komployê Mîyanneteweyî yê vera Rayberê Şarê Kurdî Abdullah Ocalanî dewam kenê. Qolê rayraşîyayîşê Swîsre-Strasborugî yo ke çar leteyanê Kurdîstanî ra kurdî û dostê înan tede ca gênê, resa bajarê Baselî. Basel de sloganê azadîya Ocalanî berz benê.

Rayraşîyayîşo ke roşnvîrî, hunermendî, sîyasetmedarî û temsîlkarê dezgehan ra tewr tay se kesî tede ca gênê, roja diyîne de Lozan de dest pêkerd. Çalakwanî dereheqê komplo, tecrîd vilawekan vila kenê û cayanê ke tede manenê bi panelan derheqê Komployê MÎyanneteweyî de zanayîş danê û bale ancenê muhîmîya azadîya Rayberê Şarê Kurdî Abdullah Ocalanî ser. Badê rayraşîyayîşî şan do bi tewrbîyayîşê hunermendanê TEV-ÇAND û Merkezê Kulturî yê Medî konserêk bêro dayene. Çalakwanî siba bi otobusan do şirê Strasourg.