Seba şermezarkerdişê komploya mîyanneteweyîye ya serê Rayberê Şarê Kurdî Abdullah Ocalanî û seba paştîdayîşê grevê vêşanîye yê serkêşîya Leyla Guvene de ameyî destpêkerdene, Basel ra ver bi Strasboûrgî rayraşîyayîşêko derg amebi destpêkerdene. Rayraşîyayîş roja 6’ine dewam keno.

Rayraşîyayîş ewro bajarê Selestadî yê Fransa de ame destpêkerdene. Rayraşîyayoxan bi slogananê “Ocalanî rê Azadî”, “Biciwîyo xoverdayîşê zîndanan” û “Leyla Guvene anorê ma ya” ray ra şîyî. Rayraşîyayîşî de bajarê ke rayraşîyayoxî ci ra derbaz benê, vilawekî ameyî vilakerdene û Kurdistanijê ke nê bajaran de yê zî paştîdayîş da rayraşîyayîşî. Çalakwanan 5 rojan de 105 kîlometre ray ra şîyî. Çalakwanî do ewro zî 26 kîlometre ray ra  bişorê û ê do biresê bajarê Ersteînî yê Fransa. Bi nêzdîbîyayîşê Strasboûrgî, coşê rayraşîyayoxan zî zêde beno.