Serrgêra komploya mîyanneteweyîye ya vera Rayberê Şarê Kurdî Abdullah Ocalanî de Basel ra ver bi Strasbourgî bi şîarê ‘Ma tecrîdî bişiknê, faşîzmî birijnê, Kurdistanî azad bikerê‘ rayraşîyayîşo derg ame destpêkerdene.
Serrgêra komplo de sîyasetmedar, temsîlkarê dezgehan û hunermendî zî tede 100 ra zafêr kesî bi slogana ‘Ma tecrîdî bişiknê, faşîzmî birijnê, Kurdistanî azad bikerê‘Basel ra ver bi Strasbourgî rayraşîyayîşo derg ê 8 rojan da despêkerdene.
Çalakîya ke hetê KCDK-E’yî ra ameye organîzekerdene bi mitîngêko biheybet ame destpêkerdene. Qiseykerdişan de bale ancîyaye serê muhîmîya çalakîye ser û ame vatene bi mucadeleyî do tecrîd bêro şikitene.
Çalakwanan ra endamê Heyetê Rayberdişî yê KCK‘yî Zubeyîr Aydarî vist vîrî ke ewro vernî de zîndanan de her ca de şarê Kurdî xoverdayîş de yo û vat ke serrgêra 20. ya komploye de ma do bi xoverdayîşî komplo serûbin bikerê. Reyna qiseykerdoxanê bînan zî grevê vêşanîye silam kerdî û mejasê berzkerdişê mucadeleyî dayî.
Parlamenterê HDP’yî yê ke surgun de yê, Endamê Heyetê Rayberdişî yê KCK‘yî Zubeyîr Aydar, hemsereka KCDK-E’yî Fatoş Goksugure, endamê Cimatê Îslamî yê Kurdistanî (CÎK), xeylî hunermendî,endamê KNK’yî û rojnameger Ahmet Nesîn a pîya temslîkarê MLKP, MKP, SZKP, ATÎK, SKB, PYD, ADHK, AvEG-KON’î û xeylî sazî û rêxistinan tewrê rayraşîyayîşî benî.
