Çarçewa Hemleya 'Tecrîd, faşîzm, îşxalî rê bes o; Wext wextê azadîye yo' de vizêr bajarê Baselî yê Swîsre û bajarê Duisburgî yê Almanya de aktîvîteyê mektuban ameyî kerdene.

Duisburg de Meclîsê Cinîyan ê Şehîde Asya Yuksel seba ke tecrîd bêro şiknayene û Rayberê Şarê Kurdî Abdullah Ocalan bireso azadîya xo ya fîzîkîye mektubî şawitî. Aktîvîstan ard ziwan ke şertî senî benê wa bibê şarê kurdî do çirey Rayberê xo cameverdo û tim pê felsefe û fikranê ci têbigêro.

Basel de zî aktîvîteya ke hetê Merkezê Komelê Kurdî yê Baselî  (CDK) û Meclîsê Cinîyan ê Ronahî ra ameye organîzekerdene xeylêk kesî tewrê ci bîyî. Kurdîstanijî verê postaxaneyî de ameyî têhet û mektubî şawitî. Tîya eşkerayîyêke ameye dayene. Ame vatene ke înan startê kampanyaya mektuban ê Swîsre yî Basel de dayo û sey gama verêne 300 mektubî NYî rê ameyî şawitene.