Bajarê Baselî yê Swîsre û bajarê Marburgî yê Almanya de çalakîyê paştîdayîşê grevanê vêşanîye yê ke semedê wedartişê tecrîdê serê Rayberê Şarê Kurdî Abdullah Ocalanî yenî domnayene, ameyî viraştene.
Ewropa de çalakîyê protestokerdişê tecrîdê serê Ocalanî û paştîdayîşê xoverdayîşê grevê vêşanîye yo ke rayberîya hemseraka KCD‘yî û parlamentera HDP‘yî Leyla Guvene de ame destpêkerdene û xeylî cayanê dinya de bi vilabîyayîşî yeno domnayene, dewam kenî.
BASEL
Bajarê Baselî yê Swîsre de semedê baleantişê tecrîdê Îmraliyî û paştîdayîşê grevê vêşanîye çalakîyêk ameye organîzekerdene. Bi vengdayîşê CDK‘yî yê Baselî xeylî Kurdistanijî û dostê înan ameyî têhet û bi kiriştişê posteranê Ocalanî û beyraqanê PKK'yî tecrîd protesto kerd. Çalakî de derheqê tecrîd û grevê vêşanîye de vilawekî ameyî vilakerdene û ame vatene ke heta wedartişê tecrîdî do çalakîyî dewam bikerî.
MARBURG
.
Bajarê Marburgî yê Almanya de zî bi çalakîyêk tecrîd ame protestokerdene û sere de Leyla Guvene çalakwanê grevê vêşanîye ameyî silamkerdene. Çalakîya ke Meclîsê Şarî yê Marburgî, Yewîya Wendekaran ê Kurdistanî (YXK) û dostanê înan Almanan organîze kerde, bi seyan kesî tewrê ci bîyî tecrîd şermezar kerd.
