Bajarê Bellînzonî yê kantonê Tîcînoyî  de, bi serkêşîya Însîyatîfê Cinîyan ê Kurdî û Têgêrayîşê Ciwanan ê Şorişgêran de îstasyonê trene yê merkezî de çalakîye ameye viraştene.

Çalakîye de Leyla Guvene û xoverdayoxê bînî yê greve vêşanîye yê Hewlêr, Galler, Strasboûrg û welatanê binan ê Ewropa de yê ameyî silamkerdene.

Çalakwanan pankarta ke ser o ”Parlamentere Leyla Guvene, vera tecrîdê serê Ocalanî, 7’ê Teşrîna Peyêne 2018’î ra nat greve vêşanîye de ya” nusyaye bî akerde û fotografê xoverdayoxanê greve vêşanîye girewtî xo dest.

Peynîya çalakîye de, derheqê tecrîdê serê Ocalanî de, bi ziwanê Îtalyanî beyanat ame dayene.

Federasyonê Elewîyan ê Demokratîkî vera Dêra Heîlîg Geîst Kîrche ye ya Bahnhofplatzî yê Bernî de çalakîyek organîze kerde. Çalakîye de çilayî ameyî vêşnayene.

Çalakîye bi şîarê ”Duştê tarîtîye de ti zî yew çila tafîye” ameyî kerdene û dovîzê ke ser o “Wa waştişê Leyla Guvene bêrê qebûlkerdene” nusyayebî ameyî berzkerdene.

Çalakîya ”Duştê tarîtîye de ti zî yew çila tafîye”, her roja pancşemeye de, verê  Dêra Heîlîg Geîst Kîrcheyî de do bêro viraştene.