Paytextê Almanya Berlin de bi vengdayîşê TCŞ û TekoJIN çareçewa ''Hewteyê Qehremanîye'' de semedê şehîdan rayraşîyayîşêk ame organîzkerdene.

Rayraşîyayîşî Hermannplatz de dest pê kerd û heta Kottbusser Torî dewam kerd. Rayraşîyayîşo ke TCŞ, TekoJIN, Meclîsê Cinîyan ê Des Dan û dezgehê kurdan û enternasyonalîstan tewrê ci bîyî de posterê Kawayê Hemdemî Mazlûm Dogan, şehîdê rojeyê mergî yê pîlî yê 14ê Temmze Kemal Pîr, Mehmet Xeyrî Durmuş, Akîf Yilmaz, Alî Çîçek, Mahsun Korkmaz, Ferhat Kurtay, Eşref Anyik, Necmî Oner, Mahmut Zengîn, Sakîne Cansiz, Fîdane Dogan, Leyla Şaylemez, gerîlaya enternasyonalîste Andrea Wolf serkêşanê Şorişê Rojawanî ra Arîne Mîrkan, Ivana Hoffman, Xebat Dêrik, Mazlûm Kobanê, Atakan Mahîr, Dîyar Xerîb, Kasim Engîn û bi desan şehîdan ameyî kiriştene.

Rayraşîyayîşî de pê sloganan xoverdayîşê Rayberê Şarê Kurdî Abdullah Ocalanî, gerîlayan û zîndanan ame selamkerdene  cuya serkêşanê şorişê Kurdîstanî ame wendene.

Polîsanê almanî ke vera provokasyonê tirkanê faşîstan ê vera rayraşîyayîşî vengê xo nêvet ciwanêkê kurdî destbend kerd.