Kurdistanijê ke Ewropa de yê semedê  şermezarkerdişê komploya mîyanneteweyîye ya 15’ê Sibate û silamkerdişê xoverdayîşê grevanê veşanîyê yê ke rayberîya Leyla Guvene de semedê wedartişê tecrîdê serê Rayerê Şarê Kurdî Abdullah Ocalanî yenî viraştene, Strasboûrg de ameyî pêser.

STRASBOÛRG BI SLOGANANÊ OCALANÎ ZIMENO

Saetanê serê sibayî de sere de Almanya, Fransa, Swîsre, Belçîka û Awusturya xeylî welatanê  Ewropa ra  Kurdistanijî û dostê înan semedê tewrbîyayîşê rayraşîyayîş û mîtîngî Strasborgî de kom bîyî. Bajar de bi beyraqanê PKK, KCK, YPG û YPJ’yî silogana ‘Bijî Serok Apo‘ û ‘Guvene anorê ma ya‘ berz benî. Çalakwanê ke goreyê serranê bînan hîna zaf bihêrs ê bi sloganan vera komplo û tecîrdî hêrsê xo anê ziwan û xoverdayîşê grevê vêşanîye silam kenî. Çalakwanê ke dest bi rayraşîyayîşî kerd bi slogan û tîlîlîyan erd û asnênî zilzilnenî.