Roşnvîrî, hunermendî, sîyasetmedarî û temsîlkarê dezgehan ra tewr tay se kesî do şaristananê cîyayan ê Ewropa ra vera Komployê Mîyanneteweyî yê 15ê Sibate Swîsre de bêrê têhet û dest pê rayraşîyayîşê 4 rojan bikerê.
Serrgêra 21. ya Komployê Mîyanneteweyî yê 15ê Sibate de ke vera Rayberê ŞArê Kurdî Abdullah Ocalanî ame kerdene kurdistanijê Ewropa dostanê xo reyde reyna do bivejîyê meydanan. Rayraşîyayîş û nawnayîşê pîlî yê 15ê sibate yê Strasbourgî ra verî Swîsre de seba 4 rojan rayraşîyayîşêko derg do bêro kerdene. Se kesan ra zêdêr rojnamegerî, nuştoxî, sîyasetmedarî, hunermendî û temsîlkarê dezgehan ê çar parçeyanê Kurdîstanî do bi şîara ''Seba Ocalanî Azadîye, Seba Kurdîstanî Statu'' şaristanê Cenevre ra heta Baselî do şorê.
Hemserekê Merkezê Komelê Demokratîkî yê Kurdan ê Cenevre Salîh Saglamî derheqê rayarşîyayîşê dergî de zanayîşî dayî û vat: ''Rayraşîyayîşê 10ê sibate roja dişemeyî bi şîara 'Ma bi yewîya xo ya neteweyîye Komployê Mîyanneteweyî pûç bikerê' do dest pêbikero. Ma do seba Rayberê xo û yewîya neteweyîye rayîrî ra şorê. Rayraşîyayîş do Lozanî ra heta Cenevre do bêro kerdene û zaf sîyasetmedarî, hunermendî, roşnvîrî û temsîlkarê dezgehan tewrê ci bibê. Oyo ke Îmrali de yeno tecrîdkerdene têna Rayberê ma nîyo, azadîya Kurdîstanî û ameyoxê şarê kurdî yo zî. Polîtîkaya îşxalî û asîmîlasyonî ganî sey dewamê tecrîdî bêra ercnayene. Waştişê azadîya Birêz Ocalanî, azadkerdişê ey yeno manaya pûçkerdişê Komployê Mîyanneteweyî û mesuldarîya her kurdî yo.Ma do Rayberê xo azad bikerê. Seba caardişê yewîya neteweyîye û azadîya Rayberê xo ganî her kes paştî bido nê rayraşîyayîşî.''
Bernameyê rayraşîyayîşî wina yo:
10ê Sibate, Cenevre:
12.00: Place de Neuve, kombîyayîşn
12.30: Kombîyayîşê Çapemenîye
13.30- 15.00: Rayraşîyayîş
15.00-17.00: Nawnayîşê verê Ofîsê Cenevre yê Neteweyanê Yewbîyayeyan
11ê Sibate, Lozan
12.00: Parking de Bellerive, kombîyayîş
12.30-15.00: Rayraşîyayîş
15.00-16.00: Nawnayîş (Place de Riponne)
18.30-21.00: Panel
12ê Sibate, Bern
11.00: Zollikofen, kombîyayîş
12.00-15.00: Rayraşîyayîş
15.00-17.00: Nawnayîş (Weissenhausplatz)
18.30- Panel
13ê Sibate, Basel
11.30: Dreirosenbruck, kombîyayîş
13.00-17.00: Rayraşîyayîş
18.30.22.00: Bernameyê kulturî
14ê Sibate:
Raywanîya ver bi Strasbourgî
