Komelê Demokratîkî yê Kurdan ê Swîsre (CDK-S) û Yewîya Cinîyan ê Kurdan a Swîsre (YJK-S) venga pêro kurdîstanijan û dostanê ci da ke serrgêra Komployê 15ê Sibate de tewrê rayraşîyayîş û mîtîngê Strasbourgî bibê.

Hemsereka CDK-Syî Dîlane Çetînkaya eşkerayîye wende û vat: ‘’Her wextî ra zafêr nika bi modelê çareserîye yê Rayberîye lazim o ke vera tarîtîya serê Rojhelatê Mîyanênî modelê felate yo. Rayberê ma hêzê moral û entelektuelî yê nê prosesî yo. Ma 15ê sibate de Strasbourg de bibê.’’

Vervatoxa YJK-Syî Selma Surer zî vat: ‘’Ma venga şarê xo û embazanê xo danê ke 15ê sibate de Strasbourg de bêrê yewca. Bê serek jiyan nabe.’’

Nameyê Komîteya PJAKî ya Swîsre ser o Hakîm Hutîtîyî vat: ‘’Azadîya Kurdîstanî bi azadîya Ocalanî nêbena. Eke Serok Apo azad bibo ma zî do azad bibê. Seba ney zî ganî kurdîstanijê Ewropa Strasbourg de bibê.’’

Nameyê TEV-ÇANDî yê Swîsre ser o hunermend Kawa Ûrmîye vat: ‘’Ez pê bawer a ke şarê ma do bi xurtî tewrê çalakîye bibo. Hem şarê ma yê Kurdîstanî hem zî Rayber Apo bi xoverdayîşê xo ma rê bîyê roşnî. Ma venga şarê xo danê ke tewrê nê têkoşînî bibê.’’