Kurdîstanijan vera hêrişanê îşxalî yê dewleta tirke û şuxulnayîşê çekanê kîyewîyan  verê bînaya Neteweyanê Yewbîyayeyan (NY) ê Cenevre de çalakîya roniştişî dabî destpêkerdene. Çalakîye roja hîrêne de dewam kerde.

Kurdîstanijê ke saetanê rewî yê serê sibayî de pê fotografê Rayberê Şarê Kurdî abdullah Ocalanî û alayanê PKKyî ameyî  warê çalakîye bi sloganan hêriş şermezar kerd û xoverdayîşê gerîlayan selam kerd.

Hemsereka Merkezê Komelê Demokratîkî yê Kurdan ê Cenevre Mulkuye Bulut bale ante têkoşînê 40 serran ê gerîlayan ser û vat: ''Ewro verê çimanê dinya de  qirkerdiş yeno kerdene. Berpirsîyarê nê hêrişan Neteweyê Yewîyaye û dezgehê Ewropa yê. Dejo ke kurdan nêdîyo nêmendo. Tim raştê hêrişê dewlata tirke yenê.  La welatê Ewropa semedê menfeatê xo bêveng manenê. Ê se kenê wa bikerî ma do heta dalpaya peyêne ya gonîya xo têkoşîn bikerê.''

Bulute da eşnawitene ke ê do siba mîtîngêkê merkezî bikerî û veng da her kesî ke tewrê çalakîye bibo.

Badê qiseykerdişan çalakwanan dest pê roniştişî kerd û forum ke organîze kerdo de derheqê îxanetê PDKyî û têkoşînê anorî de qiseykeridşî ameyî kerdene. Çalakîye bi qiseykerdiş, deyîre û sloganan dewam kerde.