DEM Partî bire daye ke bi namzedê xo Cengîz Çandarî tewrê weçînayîşanê Meclîsê Tirkîya (TBMM) biba. Çandar rojnameger û nuştox o. Waştişnameyê derheqê namzedîya Çandarî ewro 14.45 de do teslîmê Sekreterîya Meclîsî bêro kerdene.

Prosesê weçînayîşanê Serekîya Meclîsî 28ê gulane de do dest pêbikero. 3yê hezîrane de zî weçînayîş do bêro kerdene. 

Goreyê agahîyan AKP û MHP do Serekê Meclîsî yê nikayênî Numan Kurtulmuşî do sey namzedê xo bimojnê.