Kolektîfê Neteweyîye yê Heqanê Cinîyan o ke zaf komelê femînîst, sendîka û partîyê sîyasî yê çepî yê Fransa zî tede ca gênê û Têgêrayîşê Cinîyan ê Kurdî yê Fransa (TJK-F) seba baleantişê tecrîdkerdişê Rayberê Şarê Kurdî Abdullah Ocalanî û paştdayîşê çalakîyanê grevê vêşanîye çalakîyêk viraşte.

Çalakîye de endamê Koordînasyonê Pêroyî yê France Însoûmîse û vervatoxa Partîya Çepî Danîelle Sîmonete, Senatora Partîya Komunîste Laûrence Cohene, temsîlkarê komelanê cinîyan û hemvervatoxa verên a HDK-Ewropaye Asiye Esra Gudene qisey kerd.

Qiseykerdoxan da zanayene ke tecrîd sucêkê vera merdimîye yo û vat, “Seba wedaritişê tecrîdkerdişê Ocalanî ganî CPT û Konseya Ewropa berpirsîyarîye xo bîyarê ca. Eke netîceyêko xirab do biqewimîyo nê di sazgehî berpirsîyar ê.”

Çalakîye bi qîrîyayîşê slogananê “Cinî Cuye Azadîye“ û “Ma heme Leyla yê” qedîyaye.