Emser rîyê şertanê janî ra sey her serre Almanya ra ver bi Strasbourgî rayraşîyayîşo derg o tradîsyonkî nino kerdene. Herinda nayî de 8 rojî her roje yew bajar de çalakîya protestokerdişê Komployê 15ê Sibate yenê kerdene.

Çalakîya verêne vizêr bajarê Hanau yê Almanya ke 19ê sibata 2020î de 9 kesî ameyî qetilkerdene de ameye kerdene.

Rixmê varayîşî xeylêk kesî tewrê çalakîye bîyî. Çalakîye bi rêzgirewtişê semedê kesanê ke ameyî qetilkerdene ameye destpêkerdene. Qiseykerdişan de muhîmîya rolê Ocalanî ser o ame vindertene û azadîya ci ameye waştene. Çalakîya ke enternasyonalsîtê alman û katalan zî tewrê ci bîyî de semedê metubanê ke do Neteweyê Yewbîyayeyan rê bêrê şawitene îmzayî ameyî arêdayene.

Programê çalakîyanê bînan wina yo:

6ê Sibate: Frankfurt. (Gunthersburgpark)

7ê Sibate: Mainz (Domplatz)

8ê Sibate: Darmstadt (HBF)

9ê Sibate: Mannheim

10ê Sibate: Esslingen

11ê Sibate: Bad Canstaadt

12ê Sibate: Freiburg

Çalakîyî 13ê sibate de Freiburg de bi mîtîngêk do biqedîyê.