Ame vatene ke seba rayraşîyayîşo ke do bi sloganê “Demê xo ame, serewedare, komplo parçe bike, Rayberî azad bike“ bêro kerdene amadekarîya ci dewam keno.

Komîteya Amadekarîye ya Rayraşîyayîşê Dergî, ard ziwan ke ciwanî 10ê Gucige roja Şemeyî de do Mannheimî de bêrê têhet û 11ê Gucige roja Yewşemeyî de dest bi rayraşîyayîşî bikerê.

Rayraşîyayîş do ver bi bajarê Hockenheîmî bêro kerdene, dingê  peynî yê rayraşîyayîşî 16ê Gucige Strasbourg o. Komîteye ard ziwan ke  ê seba protestokerdişê komploya mîyandewletan û seba wedartişê tecrîdê serê Rayberê Şarê Kurdî Abdullah Ocalanî do rayraşîyayîşê virazê.

Komîteya Amadekarîye bala ante ser ke grevê vêşanîye ame rewşêka krîtîke û vat ke beşdarîyayîşêko gird yeno pawitene.

Komîteya Amadekarîye afîşê şinasnayîşî ê rayraşîyayîşî zî weşanayî. Afîşî bi Kurdkî, Tirkî, Elmanî, Fransî û Îngilizî ameyê amadekerdene.

Komîteya Amadekarîye derheqê rayraşîyayîşî de wina vat: “Seba tecrîdê serê Rayber Apoyî bêro şikitene, zîndanan de her cayê Kurdistanî de têkoşîno gird esto. Grevê vêşanîye yo ke Leyla Guvene dayo destpêkerdene, verê seba ciwananê Kurdistanî, seba pêroyê şarê ma, vengdayîşê serewedaritişî yo. Bi rayraşîyayîşê dergî yo ke do 10ê Gucige de Mannheîmî de dest pê bikero, ma wazenê bibê cewabê nê vengdayîşî. Ma wazenê tecrîdo ke serê Rayber Apoyî de yo û vera merdimî de yo desinde bêro wedaritene û azadîya fizîkî bêra were. Rayraşîyayîşo Derg de bi nê waştişan ma do çalakîye de bibê. Kotî Ewropa de beno wa bibo, ma vengdayîşê pêroyê ciwananê Kurdan, cinîyanê ciwanan û hevalanê xo yê enternasyonalîstan kenê ke beşdarê nê Rayşîyayîşo Derg bibê.