Çalakîyê vera tecrîdê Îmralîyî dewam kenê. Ciwananê kurdan Berlin, Bordeaux û Marignane de seba azadîya Rayberê Şarê Kurdî Abdullah Ocalanî çalakîyî kerdî.

Berlin

Aktîvîstanê TCŞyî seba azadîya Rayberê Şarê Kurdî Abdullah Ocalanî şaristanê Berlinî yê Almanya de çalakîyêke kerde û sloganî berz kerdî.

Çalakîye de nameyê PYDyî ser o Suleyman Hajoyî qiseu kerd û îfade kerd ke fikr û îdeolojîya Abdullah Ocalanî bala pêro dinya ancenê.

Bordeaux

Aktîvîstanê Têgêrayîşê Ciwanan ê Kurdan (TCŞ) şaristanê Bordeauxî yê Fransa de seba azadîya Rayberê Şarê Kurdî Abdullah Ocalanî rayraşîyayîşêk kerd. Ciwanan verî vilawekî vila kerdî. Rayraşîyayîş de zî posterê Abdullah Ocalanî û alayê PKKyî ameyî akerdene.

Ciwanan eşkerayîya xo de ard ziwan ke heta Ocalan azad bibo ê do xoverdayîşê xo dewam bikerê.

Marignane

Aktîvîstanê TCŞyî Komunê Marignane yê Fransa de seba azadîya Rayberê Şarê Kurdî Abdullah Ocalanî çalakîya rayraşîyayîşî kerd.

Rayraşîyayîş de sloganê sey 'Biciwîyo Serek Apo', 'Biciwîyo xoverdayîşê PKKyî' ameyî vatene û panbkarta bi nuşteyê 'Ocalanî rê Azadîye' ameye akerdene.

Ciwanan dima eşkerayîye daye û da zanayene ke heta ke Abdullah Ocalan azad bibo têkoşîn do bêro pîlkerdene.