Rêxistina hetkarîye ya bi nameyê Sea-Eye 2018î ra nata seba xelisnayîşê multecîyan keştîyanê xo Dengizê Sipî de çarnena. Sea-Eye teşrîna verêne de keştîyêka newîye viraşte. Keştîya ke hetê Dêrê Protestanan ê Almanya (EKD) ra ameye fînansekerdene hetê zerrîwazan ra ameye amadekerdene.

Keştîya newîye ya bi nameyê ''Sea-Eye-4''  keştîya tewr pîle ya xelisnayîşî ya. Vizêr keştîye Rostock de pê merasîmêkî dest pê xebate kerd. Xeylêk sîyasetmedar û pawitoxê heqanê merdiman zî tewrê merasîmî bîyî. Merasîm heta multecî Sîerra Leone Alpha Jor Barry Gemiyî ra ame kerdene ke 2018 de Dengizê Sipî de amebi xelisnayene.

Gemiy hetê keştîya bi nameyê Alan Kurdî ya Sea Eye ra amebi xelisnayene.