Kurdîstanijan û dostanê înan serkêşîya TCŞyî de paytextê Yunanîstanî Atina de destsernayîşê Şaredarîya Colemêrgî bi rayraşîyayîşêkî protesto kerd.

Rayraşîyayîşî heta Sersefîrîya Tirkîya dewam kerd. Dima eşkerayîye ameye dayene.

Nameyê Merkezê Komelê Demokratîkî yê Kurdan ser o Abdullah Alaguşî qisey kerd û dîyar kerd ke ê destsernayîşê îradeyê şarî qebul nêkenê û ê do vera na hişmendîya darbe meydanan de bibê.

Alaguşî venga dewleta Îranî zî da ke wa gerîlayê HPGyî Hatem Ozdemîrî vera bida.

Eşkerayîye ra dima çalakîya roniştişî ameye kerdene.