Goreyê agahîyanê ke çimeyanê herêmîyan dayê Rojnewsî dewanê herêma Zebarîyan ê Koyê Garê de kesê neşinasî gêrenê û nê kesî bi qiseyanê ‘’Eke şima heta 6ê sibate nê dewan nêteriknê, hinî şima zanenê’’ şarî tehdît kenê.

Dîya zanayene ke nê kesî pabesteyê îstîxbaratê PDKyî Parastinî yê. Mîyanê nê dewan de dewê Nibax, Bîrkekor û Kafîya zî est ê.

Nê tehdît û tedayî îxtîmalê hêrişêkê neweyî yê vera herême zêdînenê.

Hetê bînî ra vizêr medyaya dîjîtale ser o tayê dîmenî weşanîyayî. Dîmenan de aseno ke leşkerê tirkî yê îşxalkerî kewtê dewa Kêste yê Behdînanî û tîya de hetê kesê bi nameyê Omêd Seîdî ra bi ‘germinî’ ameyê pêşwazîkerdene.