Amed de hetê Komîteya Amadekarîye ra deklarasyonê mîtîngê ‘Azadîya Seba Haştîye’ bi kombîyayîşê çapemenîye ame eşkerakerdene.

Hemserekê DEM Partî yê Amedî Abbas Şahînî deklarasyon wend.

Şahînî pare kerd ke ganî meseleyê bi se serran bi haştîye bêrê eşkerakerdene û vat: ‘’Seba çareserîya meseleya kurdan binê şertanê têdûştan de muzakereyî wa bêrê kerdene. Seba ke nê şertî virazîyê ma do 8ê sibate de Amed de mîtîngê ‘Azadîya Seba Haştîye’ bikerê. Ma venga pêro şarê xo danê ke tewrê mîtîngî bibo.’’

Hemsereka DBPyî ya Amedî Sultane Yaray zî îfade kerd ke çareserîya meseleya kurdan seba tirkan zî do girîng biba û vat: ‘’Ma do Kurdîstan û Tirkîya de haştîyêka mende virazê. ’8ê sibate de Meydanê Îstasyonî de ma vengê xo biresnê dinya. Ma venga pêro şarê xo û terefgîranê haştîye danê ke tewrê mîtîngî bibê.’’