Polîsanê almananê ke 2018 de ber û pencarayê Komeleya Kurdan a Berlinî şiknayî û dima eşt ser do tazmînat bidê. Dozgerîye pare kerd ke 'delîlê sûcî' yo ke polîsan gêrabi ci nêdîya û dosya qefilnaye.
Polîsanê almanan serra 2018î de dima ke ber û pencarayê ci şiknayî eştbi Komeleya Kurdan a pabesteyê NAV-DEMî ser. Polîsan dest nabi kompîtiranê komele ser zî. Polîsan çalakîya ke qaşo 3ê kanûna 2017î de seba Efrînî do biameyêne kerdene la nêbî kerde bahane û dozgerîya Berlinî îdîa kerd ke çalakîye 'qanûnê komeleyan binpay kena.'
Dozgerîya Berlinî cigêrayîşê komeleya NAV-DEMî neheq dî û dosya qefilnaye. Dozgerî vat 'Delîlê ke ma gêrayî ci nêdîyayî.' Dozgerîye seba ke polîsan zerar da pencara û beranê komele bire daye ke tazmînat bido komele. Avûkat Dr. Lukas Theuneyo ke îdarekarê komele yo eşkera kerd ke seba ke dosya qefilîyaye ê şaş mendî.
Theuneyî vat têgêrayîşê winasênî yê Almanya sîyasetê kurdan krîmînalîze kenê, neheqî û îlegalî yê. Theuneyî vat: ''Xîreto bîn ê seba krîmînalîzekerdişê kurdan bênetîce mend.''
