Komîteya Vergirewtişê Îşkenceyî (CPT) verê tecrîdê Îmraliyî de bêvengîya xo rê dewam kena. Endamê CPTyî yê verênî Dr. Jean-Pierre Restelliniyî derheqê babete de ANFyî rê qisey kerd.

Restelliniyî îfade kerd ke goreyê krîteranê CPTyî tecrîdo girankerde nêno qebulkerdene û vat: ''Qet nêbo ganî CPT derheqê zîyaretanê xo yê verênan de eşkerayîyêke bido û Tirkîya zî cewab bida ci. La selahîyetdarê Tirkîya cewab nêdanê. Goreyê peymane heta ke dewletêke nêwaza CPT nêeşkeno raporê xo eşkera bikero. Seba ke Abdullah Ocalanî ra xebere nêra girewtene dewleta tirke her rayîrî ceribnena. Tecrîdo girankerde verê meseleyanê weşîye akeno. Tecrîdo mutleq qetî ganî nêro caardene. Ganî tepişteyî bieşkê keye û avûkatanê xo bivînê.

Seke mi vat ganî derheqê tewirê Tirkîya de eşkerayîyêke bêro dayene. Ez do embazanê xo yê xebatkaranê CPTyî de qisey bikera. Ganî derheqê zîyaretê peyênî de CPT eşkerayîyêke bido. ganî CPT ya derheqê Tirkîya de eşkerayîyêke bido yan zî organîzekerdişê zîyaretêkê neweyî yê Îmraliyî bifikiro. Girîng o ke weşanîyayîşê raporê peyênî yeno waştene. La serê zîyaretê peyênî ra zî xeylêk wext vîyarto. Coka CPT ganî newe ra şoro Îmrali.''