Rayraşîyayîşê enternasyonalîstan ê 4. yê bi şîara ''''Seba Ocalanî azadîye, seba Kurdîstanî statu, vera faşîzmî mil bi mil'' vizêr verê bînaya Edaletî ya Luksembourgî de dest pêkerd. Welatanê Îspanya, Fransa, Amerîkaya Latîne, Afrîkaya Başûre, Kanada, Ekvador, Awustralya û Îskandînavya ra 120 enternasyonalîstî tewrê rayraşîyayîşî benê.

Enternasyonalîstan bînşewe şaristanê  Guenange yê Fransa de salona Pablo Nerudeyî de mendî. Serê sibayî saete 10.00 de rayraşîyayîş dest pêkerd. Qasê 10 kîlometreyan rayîrî do bêro şîyayene û ciwanî şewe biresê şaristanê Thonville yê Fransa û uca de bimanê.

Rayraşîyayîş de pankarta bi nuşteyê ''Seba Ocalanî azadîye, seba Kurdîstanî statu'' yena kiriştene. Rayraşîyayîş de sloganê ''Biciwîyo Serek Apo'' û bi fransizkî zî sloganê ''Ez kam a''  û sey cewabê ci sloganê ''PKK'' yenê vatene. Rayraşîyayîş bi hawayêkê coşî dewam keno.

Enternasyonalîstan vizêr eşkerayîya xo de dabi zanayene ke dewleta tirke qanûnan binpay kena û ganî cade tecrîd wedara.