Serekkomarê Tirkîya Recep Tayyîp Erdogan Berlin de ame şermezarkerdene.

Zf temsîlkaranê dezgehanê komelkî yê sivîlan, cinîyê femînîstî û almanî tewrê nawnayîşî bîyî. Nanwnayîş de oankarat bi nuşteyê ''Kiştox xêr nêame Berlin'', ''Peymananê gemarinan rê ney'', ''Şarê almanî to nêwano'' ameyî berzkerdene.

Hemsereka Komelê Kurdîstanijan ê Azadan ê Berlinî Nûjîyane Gunay nawnayîş de qisey kerd û vat ke ê vera nê peymananê gemarin ê.

Wekîlê Die Linke Hakan Taşî vat: "Hukmatê Merkele herinda ke vera Erdogan rawurze û ey vindarna Almaya de konferans serûber kena. Mi no fam nêkerd."

Temsîlkarê PYDyî yê Berlinî Suleyman Hacoyî bale ante qirkerdişanê ke dewleta tirke Rojawan de kerdî ser.

Têgêrayîşê Cinîyan ê Êzidîyan ra Nûrê Alkiş zî vat: "2 rojî verê cû Erdoganî hêrişê Şengalî kerd û merdimî merdî. Hema zî herêma kurdan de hêrişî dewam kenê. No dîktator dişmenê kurdan o. Wazena komelê êzidîyan qir bikero."

Doktor Nick Braunsî zî ard ziwan ke ganî kiştox Erdogan hesab bibo û bêro hukmkerdene.