Endama Koordînasyonê PAJKî Evîndare Ararat îfade kerd ke seba sîyasetê demokratîkî ganî pawitişêko hîra bêro kerdene û vat ke heta ke peymanêka mende û garantîyê qanûnî-huqûqîyî nêbê ganî hêzê pawitişî çeke nêronê.
Endama Koordînasyonê PAJKî Evîndare Ararat Kongreya 12ine ya PKKyî de wina qisey kerd:
‘’Nîqaş û birê na kongre stratejîk ê. Ma bira vurnayîşê stratejîkî yê têkoşînî ercnenê. Na kongre seba ney kom bîye.
Na kongre goreyê perspektîf û bira stratejîke ya Serekîye sey hêzê kadroyî, sey milîtananê Serek Apoyî mekanîzmaya fermîyetê Partîye de yena kerdene û pratîzekerdişê bira Serekîye ser o kom bîye. Na kongre tarîxî ya.
Serekîye prosesêk dayo destpêkerdene, stratejîya têkoşînê şerê şarî yê şorişgêrî dana vurnayene. Stratejîya têkoşînê ma beno stratejîya têkoşînê demokratîkî û sîyasetê demokratîkî. La no bê pawitişê cewherî nêbeno. Eke ma şerê çekdarî sey pawitişê cewherî sînordar bikerê raşt nêkenê. Seke Serekîye ercnabi lingê şerê çekdarî îtîfaq, dîplomasî, têkoşîno demokrasî, rêxistinîya komelî yê.
Sey hêzanê pawitişî heta ke peymana mende nêra kerdene ganî ma çekan war nêverdê, teslîm nêkerê. Yanî ganî garantîya zemînê qanûnî, huqûqî bêra dayene.
Xora sey metodê stratejîkî ma şerê çekdarî vindarnenê. La ganî rêxistinbîyayîşê hêzê pawitişî xo dibare bikero. No şertêko esas o. Tena naye ser o pawitiş teng o. Eke ma şar bivistêne mîyanê pawitişî, hendê zehmetîye do nêantêne. Tecrîdê vera Serekîye hendê dewam nêkerdêne. ‘’
