Ewropa de hêrişê kîmyewî yê dewleta tirke yê vera Herêmanê Pawitişî yê Medya pê çalakîyan yenê protestokerdene.

Şaristanê Kopenhagî yê Danîmarka de kurdîstanijan û dostanê înan çalakîya rayraşîyayîşî kerde. Çalakîye de sloganê sey 'Biciwîyê gerîlayî', 'Dîktator Erdogan' ameyî vatene. Çalakîye de venga dezgehanê mîyanneteweyîyan dîya ke vera hêrişan têbigêrê.

Şaristanê Montrpellierî yê Fransa de vengdayîşê CDK-Fyî ser o çalakîyêke ameye kerdene. Çalakîkeran seba ke bale biancê hêrişanê kîmyewîyan ser kincê sipîyî dayî xo ra û bombayê dûyî şuxilnayî.

Şaristanê Freiburgî yê Almanya de kurdîstanijî û dostê înan vejîyayî meydanan û înan waşt ke cade heyetêko xoser şoro herême de cigêrayîşan bikero û dewleta tirke sûcanê şerî ra wa bêra muhakemekerdene.

Şaristanê Marsilya yê Fransa de zî çalakîyî roja 5. de dewam kenê. Ewro vengdayîşê NCDKyî ser o bi seyan kesan çalakîye kerde. Çalakîkeran kincê sipî dayî xo ra, fotografê gerîlayanê ke hêrişanê kîmyewîyan de şehîd bîyê berz kerdî û dima çalakîkeran xo erdî de derg kerdî. Çalakîye de seba merasîmê yadkerdişê 17 gerîlayan zî veng dîya.