Bajarê Strasbourgî yê Fransa de 25ê hezîrana 2012î ra nata  seba azadîya Rayber Apoyî Nobeta Azadîye yena kerdene. Hewteyê 649. de koma ke bajarê Aarau yê Swîre ra ameye nobete dewr girewt. Koma de Mahsum Ozer, Serhat Kanat, Hasan Huseyin Şahin ca genê.

Mahsum Ozerî ke bi nameyê koma qisey kerd, nê vatî: ''Rayberîya ma 26 serrî yo rehîn ameyo girewtene û 4 serrî yo binê tecrîdê giranî de yo. Ma tecrîdê dewleta tirke ya îşxalkere û bêvengîya dezgehanê eleqedaran ê Ewropa şermezar kenê. Ma veng danê CPTyî ke wa goreyê qanûnê xo têbigêro. Hetê bînî ra şarê ma yo ke  Ewropa de yo ganî wayîrê Rayberîye bivejîyê.  Azadîya Rayberîye azadîya ma ya.  Tecrîdê serê Rayberîye bêşik vera heme şarê kurdî yo. Ma veng danê heme rayapêroyîye ke wa vera zextanê hukmatê feşîstî vejîyê. Heta azadîya Rayberîye do têkoşînê ma dewam bikero.''