Konseya Rayberdişî ya PKKyî bi wesîleya serrgêra 46. ya ronayîşê PKKyî eşkerayîye daye. Eşkerayîya PKKyî ra qismêk wina yo:

''Têkoşînê azadîye yê Kurdîstanî serkêşîya PKKyî de kewno serra 47ine. Na çarçewa de her ca de şayîyê bicoşî yenê kerdene. Ma nê aktîvîteyan û şayîyan selam kenê û kam ke semedê azadîye û demokrasîyî têkoşîn keno ci rê serkewtiş wazenê. Ma Roşanê Partî zerrî ra pîroz kenê û şexsê Hakî Karer û şehîdanê xo yê fedayîyan Asya Ali û Rojger Hêlînî de heme şehîdanê xo yê qehremanan bi rêzdarî yad kenê soz danê ke ma do waştişê înan bîyarê ca.

No Roşanê Partî ma bi coşê selamanê ke Rayber Apoyî ra ameyî ciwîyenê. Cinî, ciwan û şarê ma û dostê ma Kolnî ra heta Êlihî, Dêrsimî her warî de bi çalakîyan cewab dano selamanê Rayber Apoyî û ey bi heskerdişî selam keno. Gerîlayê ma yê qehremanî sere de Zap û Metîna de her ca de bi çalakîyanê azadîye selamanê Rayber Apoyî genê.

Menga teşrîna verêne ra nata sîyasetê tirkan de derheqê Rayber Apoyî û meseleya kurdan de munaqeşeyî yenê kerdene. Ma sey têgêrayîşî verê nê munaqeşeyan nêgenê û ma teşfîk kenê ke wa hetê pozîtîfî ra averşîyayîşî bibî. La demê kilmî de eşkera  bi ke îqtîdarî reyna xîle û kayî xo fînayî dewre. Bi vatişanê winayênan kenê ke têkoşînî sist bikerî. Derheqê nê munaqeşeyan de çîyo ke zelal nêrasayo ma. Ê têna mîyanê xo de çapemenîye de qisey kenê.  Bi nê kayan cehd kenê ke ma bixapînê. Şar û dostanê ma bi çalakîyanê xo tecrîd teşhîr kerd. Tirkîya mecbûr mend ke muracatê hêzê çareserîye yê Rayber Apoyî bikero.

Ma azadîya Rayber Apoyî û çareserkerdişê meseleya kurdan rê her wextî ra dahîna nizdî yê. Coka ganî hemleya azadîye bi seferberîye bera xurtkerdene. Şar û dostê ma ganî heme îmkananê xo semedê têkoşînî seferber bikerê. Bi têkoşînê topyekûnî serkewtiş miheqeq o.''